EPSON

Утврдување на проблем

Откривањето проблеми кај печатачот најдобро се изведува во два чекора: проблемот најпрво се утврдува, а потоа се применуваат решенија се додека не се реши.
Информациите потребни за утврдување и решавање на највообичаените проблеми се дадени преку онлајн решавање на проблеми, контролната табла, алатката EPSON Status Monitor или преку активирање на проверката за работата на печатачот. Повикајте се на соодветниот дел подолу.
Доколку имате конкретен проблем поврзан со квалитетот на печатењето, проблем со отпечатениот примерок, проблем со дотур на хартија или пак печатачот воопшто не печати, повикајте се на соодветниот дел.
За да го решите проблемот, можеби ќе треба да ја откажете наредбата за печатење.

Показатели на грешки

Многу вообичаени проблеми може да се идентификуваат со проверка на показателите за грешка од контролната табла од печатачот. Доколку печатачот престане со работа и не можете да ги решите овие проблеми, видете ја табелата со показатели за грешка и понудените решенија од брошурата.

EPSON Status Monitor (само за Windows)

Доколку проблемот настане за време на печатење, на прозорецот за приказ на состојбата се појавува порака за грешка.
Кога треба да замените касета со мастило, кликнете на копчето How To од прозорецот и EPSON Status Monitor ве води чекор по чекор низ постапката за замена на касета.
Доколку се појави порака за грешка која укажува дека истекува рокот на траење на подлогите за мастило во печатачот, контактирајте ја поддршката на Epson за да ги замените. Кога подлогата за мастило е натопена, печатачот запира и потребна е поддршка на Epson за да се продолжи со печатење.

Вклучување на проверка на работата на печатачот

Доколку не можете да го определите изворот на проблемот, активирајте проверка на работата на печатачот за да ви помогне да определите дали проблемот е поврзан со печатачот или со компјутерот.
За активирање проверка на работата на печатачот, следете ги следните чекори. Користете ги копчињата , , , или за да го промените прегледот на LCD-екранот за да го најдете режимот во кој сакате да влезете.
Проверете дали се печатачот и компјутерот изгасени.
Исклучете го кабелот од поврзувачот на печатачот.
Погрижете се да ставите хартија со големина А4 во главната фиока на касетата за хартија.
Притиснете го копчето  On за да го вклучите печатачот.
Влезете во режимот Setup од менито Home.
Влезете во Maintenance.
Влезете во Nozzle Check.
Притиснете го копчето  Start за да започнете со проверка на отворите за мастило.
Преку отпечатената тест страницата се прави преглед за проверката на отворите. Доколку има празен простор кај отпечатениот примерок, главата на печатачот треба да се исчисти.
Видете Чистење на главата на печатачот
Доколку пробната страница се отпечати, проблемот веројатно е во поставките за софтвер, кабелот или компјутерот. Исто така е можно софтверот да не е правилно инсталиран. Деинсталирајте го и повторно инсталирајте го.
Видете Деинсталирање на софтверот за печатачот
Доколку пробната страницата не се отпечати, проблемот може да биде во печатачот. Обидете се со предлозите дадени во следниот дел.
Видете Печатачот не печати