EPSON

Значајни упатства за безбедност

Пред употреба на печатачот прочитајте ги сите упатства во овој дел. Исто така, придржувајте се кон сите предупредувања и упатства означени на печатачот.

Поставување на печатачот

Придржувајте се кон следново при поставување на печатачот:
Немојте да ги блокирате или покривате вентилите и отворите на печатачот.
Користете само извор на напојување означен на етикетата на печатачот.
Користете го само кабелот за напојување кој е даден со печатачот. Употребата на кој било друг кабел може да доведе до пожар или електричен удар.
Кабелот за напојување е само за употреба со печатачот. Употребата со друга опрема може да доведе до пожар или електричен удар.
Проверете вашиот кабел за наизменична струја да ги исполнува соодветните локални стандарди за безбедност.
Избегнувајте употреба на истото струјно коло како и апаратите за фотокопирање или системите за воздушна регулација кои редовно се вклучуваат и исклучуваат.
Избегнувајте електрични приклучоци контролирани од прекинувачи или автоматски релеи.
Целиот компјутерски систем треба да биде подалеку од можни извори на електромагнетно влијание, како што се звучници или бази на безжични телефони.
Каблите за довод на електрична енергија треба да бидат така поставени за да се избегне нагризување, отсекување, загревање, набирање и извиткување. Не ставајте предмети врз каблите за довод на електрична енергија и не дозволувајте каблите да бидат нагазнати или да се гази по нив. Посебно внимавајте сите кабли за довод на електрична енергија да се прави на краевите и местата каде што влегуваат и излегуваат од трансформаторот.
Доколку со печатачот користите продолжен кабел, внимавајте вкупната јачина на струја на апаратите изразена во ампери кои се вклучени во продолжниот кабел да не ја надминува вкупната номинална јачина на струја за кабелот. Исто така, внимавајте вкупната јачина на струја на сите апарати вклучени во ѕидниот приклучок да не ја надминува јачината на струјата на ѕидниот приклучок.
Никогаш сами не го расклопувајте, менувaјте или не се обидувајте да го поправите кабелот, печатачот, скенерот или другите опции, освен како што е посебно објаснето во упатството од печатачот.
Исклучете го печатачот од струја и обратете се за помош на стручни лица за сервисирање во следниве ситуации:
Кабелот или приклучокот е оштетен; во печатачот навлегла течност; печатачот паднал или куќиштето е оштетено; печатачот не работи нормално или покажува впечатливи промени во перформансите. Не прилагодувајте контроли што не се опфатени со упатствата за ракување.
Доколку планирате да го користите печатачот во Германија, градежната инсталација мора да биде заштитена со прекинувач од 10 или 16 ампери за да обезбеди соодветна заштита на печатачот од краток спој и прекумерна струја.
При поврзување на печатачот на компјутер или друг апарат со кабел, внимавајте на правилната насока на поврзувачите. Секој поврзувач има само една правилна насока. Ставање осигурувач во погрешна насока може да ги оштети и двата апарати поврзани со кабел.
Доколку дојде до оштетување на приклучникот, заменете го сетот кабли или консултирајте се со стручен електричар. Доколку во приклучникот има осигурувачи, заменете ги со осигурувачи со соодветна јачина и моќ.

Бирање место за печатачот

Внимавајте на следното при избирање место за печатачот:
Ставете го печатачот на рамна, стабилна површина која се протега насекаде зад основата на печатачот. Доколку го поставите печатачот до ѕидот, оставете повеќе од 10 cm помеѓу задниот дел на печатачот и ѕидот. Печатачот нема да работи правилно доколку е навален под агол.
При складирање или пренесување на печатачот, не навалувајте го, не потпирајте го на неговите краеви или не свртувајте го наопаку. Во спротивно, од касетите може да истече мастило.
Зад печатачот оставете простор за каблите, а над печатачот оставете доволно простор за да можете потполно да го кренете капакот на документот.
Избегнувајте места кои подлежат на нагли промени на температура и влажност. Исто така, чувајте го печатачот подалеку од директни сончеви влијанија, извори на силна светлина или топлина.
Не поставувајте или складирајте го печатачот надвор, близу до прекумерна нечистотија или прав, извори на топлина или на места кои се предмет на електрични удари, вибрации, висока температура или влажност. Не ракувајте со мокри раце.
Поставете го печатачот близу до ѕидниот приклучник, при што кабелот може лесно да се исклучи од ѕидот.

Користење на печатачот

Придржувајте се кон следново при поставување на печатачот:
Не ставајте предмети низ отворите на печатачот.
Внимавајте да не истурите течност врз печатачот.
Не ставајте ја раката во печатачот и не допирајте ги касетите со мастило при печатење.
Не допирајте го белиот кабел кој се наоѓа во печатачот.
Во печатачот или околу него, не користете производи од аеросол кои содржат запаливи гасови. Со тоа може да предизвикате пожар.
Не ја поместувајте главата на печатачот со рака, би можеле да го оштетите печатачот.
Секогаш исклучувајте го печатачот со помош на копчето  On. Кога ова копче е притиснато, светлото  On трепка. Не вадете ги каблите или не исклучувајте го печатачот од приклучокот сè додека светлото  On не престане да трепка.
Пред да го пренесете печатачот на друго место, уверете се дека главата на печатачот се наоѓа во својата почетна положба (на десниот крај) и дека касетите за мастило се во својата положба.
Оставете ги инсталирани касетите за мастило. Отстранувањето на касетите може да ја исуши главата на печатачот и да не дозволи печатачот да работи.
Внимавајте скенерот да не ви ги фати прстите кога го затворате.
Доколку не планирате да го користите печатачот подолго време, извадете го кабелот од електричниот приклучок.
Не притискајте премногу силно на подлогата за документи при поставување на оригиналите.

Користење на печатачот со безжична конекција

Не користете го производот во медицински установи или во близина на медицинска опрема. Радиобрановите на овој производ можат негативно да се одразат врз работата на електрична медицинска опрема.
Производот чувајте го на растојание од најмалку 22 cm од електростимулатори на срцето. Радиобрановите на овој производ можат негативно да се одразат врз работата на електростимулатори на срцето.
Не користете го производот во близина на автоматско контролирани уреди како што се автоматски врати и аларми за пожар. Радиобрановите на овој производ можат негативно да се одразат врз тие уреди и можат да предизвикаат несреќи поради неисправно функционирање.

Ракување со касетите за мастило

Внимавајте на следново при ракување со касетите за мастило:
Чувајте ги касетите за мастило надвор од дофат на деца. Не дозволувајте децата да пијат од касетите со мастило или да ракуваат со нив.
Пред да ги отворите од пакувањето, потресете ги новите касети за мастило четири или пет пати.
Не тресете ги касетите за мастило откако ќе ги отворите; ова може да предизвика протекување.
Внимавајте кога ракувате со употребени касети за мастило, може да има останато малку мастило околу влезот за снабдување со мастило. Доколку ви капне мастило на кожата, измијте ја со сапун и вода. Доколку ви влезе мастило во очите, веднаш исплакнете ги со вода. Доколку по темелното плакнење имате непријатно чувство или проблеми со видот, веднаш посетете лекар.
Не отстранувајте или кинете ја етикетата на касетата; ова може да предизвика протекување.
Инсталирајте ја касетата за мастило веднаш по нејзиното отпакување. Доколку ја оставите касетата отпакувана подолго време пред да ја употребите, можеби нема да можете да печатите нормално.
Искористете ја касетата за мастило пред датумот отпечатен на нејзината амбалажа.
Не ја расклопувајте или преправајте касетата со мастило, во спротивно можеби нема да можете да печатите нормално.
Откако ќе ја земете касетата за мастило од ладно место за чување, почекајте да се загрее на собна температура најмалку три часа пред употреба.
Чувајте ги касетите за мастило на суво и темно место.
Не допирајте го зелениот IC чип од страната на касетата за мастило. Тоа може да влијае врз нормалното работење и печатење.
Доколку ја извадите касетата за мастило и ја оставите за подоцнежна употреба, заштитете го делот за снабдување со мастило од нечистотија и прав и чувајте ја во истата средина како и печатачот. Бидејќи во влезот за снабдување со мастило постои вентил, не е потребно користење на затворач или чеп, но мастилото може да извалка предмети кои доаѓаат во допир со овој дел од касетата. Не допирајте го влезот за снабдување со мастило или просторот околу него.
Касетите за мастило чувајте ги свртени со етикетите нагоре. Не чувајте ги касетите превртени.

Користење на мемориски картички

Не вадете ја мемориската картичка или не исклучувајте го печатачот додека сијаличката за мемориската картичка трепка.
Начините за користење на мемориски картички варираат во согласност со типот на картичката. За детали придржувајте се кон документацијата испорачана со вашата мемориска картичка.
Користете само мемориски картички кои се компатибилни со вашиот печатач.
Видете Мемориска картичка

Користење на ЛЦД екранот

ЛЦД екранот може да има неколку мали светли или темни точки и поради своите карактеристики може да има нерамномерна сјајност. Ова е вообичаено и не покажува дека е оштетен на каков било начин.
Користете само сува, мека крпа за да го чистите ЛЦД екранот. Не употребувајте течни или хемиски средства за чистење.
Контактирајте го вашиот добавувач доколку ЛЦД екранот се оштети. Доколку вашите раце се натопени со течен кристален раствор, темелно исплакнете ги со сапун и вода. Доколку ви влезе во очите течен кристален раствор, веднаш исплакнете ги со вода. Доколку по темелното плакнење имате непријатно чувство или проблеми со видот, веднаш посетете лекар.

Користење на опционалниот Bluetooth адаптер за печатење фотографии

Погледнете во документацијата на Bluetooth адаптерот за печатење фотографии за упатства за безбедност.

Ограничувања за копирање

Запазете ги следниве ограничувања со цел да гарантирате одговорна и законска употреба на вашиот печатач.
Забрането е со закон копирање на следниве работи:
Банкарски сметки, ковани пари, пазарни хартии од вредности издадени од државата, државни обврзници и локални хартии од вредност.
Неискористени поштенски марки, разгледници со платена поштарина и други официјални поштенски документи со важечки поштенски знак.
Државни таксени марки и хартии од вредност кои се издаваат во согласност со законската постапка
Внимавајте при копирање на следниве работи:
Пазарни хартии од вредности од приватни фирми (сертификати за производи, преносливи хартии од вредност, чекови итн.), месечни пропусници, карти со попуст итн.
Пасоши, возачки дозволи, гаранции за состојба, сметки за патарина, ознаки за храна, билети итн.
Белешка:
Копирањето на овие работи може исто така да биде забрането со закон.
Соодветна употреба на авторските материјали:
Печатачите може да се користат неправилно со несоодветно копирање на материјали заштитени со авторско право. Освен во случај на препорака од признат надлежен орган, однесувајте се одговорно и со почит кон дозволата за копирање од страна на носителот на авторско право пред да го копирате публикуваниот материјал.