EPSON

Мерки на претпазливост при менување на касетите со мастило

Пред замена на касетите со мастило, прочитајте ги сите упатства од овој дел.
Овој печатач користи касети со мастило опремени со чип IC, кој ја следи количината на мастило што секоја касета ја користи. Касетите се употребливи дури и ако се отстранети и преинсталирани.
Малку мастило се троши од сите касети за време на следните операции: чистење на главата од печатачот и полнење со мастило при инсталирање на касета со мастило.
Доколку привремено треба да отстраните некоја касета со мастило, погрижете се делот за дотур на мастило да го заштитите од нечистотија и прашина. Касетата за мастило чувајте ја во исто опкружување како и печатачот. При чување на касета, погрижете се етикетата што ја означува бојата на касетата со мастило да биде исправена нагоре. Не чувајте ја касетата за мастило превртена наопаку.
Вентилот во влезот за дотур на мастило е направен така да го задржи вишокот мастило што може да се ослободи. Сепак, се препорачува внимателно ракување. Не допирајте го делот за дотур на мастило од касетата или близу него.
За максимална ефикасност на мастилото, извадете ја касетата со мастило само кога сте подготвени истата да ја замените. Касетите со мастило со ниска состојба на мастило не може да се користат кога се преинсталирани.
Другите производи кои не се произведени од Epson може да предизвикаат штета која не е опфатена со гаранциите на Epson, и под извесни околности, може да предизвика чудно однесување на печатачот.
Чувајте ги касетите за мастило подалеку од дофат на деца. Не дозволувајте децата да пијат или ракуваат со касетите со мастило.
Внимавајте кога ракувате со користени касети бидејќи може да има мастило околу делот за дотур мастило. Доколку ви капне мастило на кожата, измијте го со сапун и вода. Доколку ви влезе мастило во очите, веднаш исплакнете ги со вода. Доколку чувството на непријатност или проблемите со видот продолжат и по плакнењето, веднаш јавете се на лекар.
Epson препорачува употреба на оригинални касети со мастило на Epson. Epson не гарантира за квалитетот и постојаноста на неоригинално мастило. Употребата на неоригинално мастило може да предизвика штета која не ја покрива гаранцијата на Epson, а во одредени услови, може да предизвика и чудно одесување на печатачот. Информации за нивото на неоригиналното мастило може да не се прикажат, а користењето неоригинално мастило се бележи за евентуална употреба при сервисната поддршка.
Не отворајте го пакувањето со касетата за мастило се додека не сте подготвени за нејзино инсталирање во печатачот. Касетата е спакувана под вакуум за да ја задржи нејзината сигурност.
Старата касета оставете ја во печатачот додека не набавите касета за замена, во спротивно, мастилото што останало во отворот од главата на печатачот може да е исуши.
Не можете да продолжите со печатење со една празна касета, иако во другите касети има уште мастило. Пред да печатите, заменете ја испразнетата касетата.