EPSON

Проблеми со скенерот

Статусната сијаличка трепка

Светлото за скенерот се наоѓа над  Копчето за вклучување/исклучување, а светлото за капакот од скенерот се наоѓа на горната страна од капакот на скенерот.
Светло
Боја
Статус на показателот
Значење
Светло за скенерот
Зелено
Вклучено
Подготвен за скенирање слики.
Трепка
Иницијализација или скенирање.
Црвено
Трепка
Појава на грешка.
Проверете дали скенерот е правилно приклучен на Вашиот компјутер. Видете го прирачникот за упатства за поврзување на скенерот со вашиот компјутер.
Проверете дали е софтверот на скенерот целосно инсталиран. Видете го прирачникот за упатства за инсталирање на софтверот од скенерот.
Осигурете бравата за заклучување за транспорт на скенерот и/или провидната единица да е отклучена. Ако е заклучена, поместете ја бравата во отклучената полобжа.
Исклучете го скенерот користејќи го прекинувачот за напојување, а потоа повторно вклучете го. Доколку статусното светло се уште трепка црвено, скенерот можеби има грешка во работењето, или светлото за скенерот можеби треба да се замени. Видете Контакт со поддршката на Epson за детали.
Исклучено
Скенерот е исклучен.
Светло за капакот од скенерот
Сино
Вклучено
Транспарентности на скенирање (како филм или дијапозитиви)
Исклучено
Скенирање рефлективни документи (како документи и фотографии).

Скенерот не се вклучува

Проверете дали AC адаптерот од вашиот скенер е правилно поврзан на скенерот и на електричниот приклучок.
Проверете дали електричниот приклучок работи. Доколку е потребно, испробајте го со вклучување на друг електричен уред и вклучете го.

Скенерот тропоти

Отклучете ја бравата за заклучување на скенерот за транспорт.

Скенерот се исклучува

Можеби е поставена функцијата Power Off Timer. За повеќе детали, видете Поставување на тајмерот за исклучување.

Не можете да го вклучите Epson Scan

Почекајте додека зеленото статусно светло не престане да трепка што покажува дека скенерот е подготвен за скенирање.
Проверете дали е скенерот вклучен.
Исклучете ги скенерот и компјутерот, потоа проверете дали е правилна поврзаноста со кабелот помеѓу нив.
Користете го USB кабелот испорачан со вашиот скенер.
Поврзете го скенерот директно со компјутерот преку влезот за USB или само преку еден USB хаб. Скенерот можеби не работи правилно доколку е приклучен со компјутерот преку повеќе USB хабови.
Проверете дали Вашиот компјутер поддржува USB.
Доколку сте извршиле надградба на оперативниот систем на вашиот компјутер, потребно е повторно да го инсталирате Epson Scan. Деинсталирајте го Epson Scan како што е опишано во Деинсталирање на вашиот софтвер, а потоа повторно инсталирајте го како што е опишано во прирачникот.
Само за Windows:
Проверете дали името на вашиот скенер се појавува под Imaging device без прашалник (?) или извичник (!) во прозорецот Device Manager. Доколку името на Вашиот скенер се појави со еден од овие знаци или како Unknown (Непознат) уред, деинсталирајте го Epson Scan како што е опишано во Деинсталирање на вашиот софтвер, а потоа повторно инсталирајте го како што е опишано во прирачникот.

Притискањето на копче од скенерот не ја вклучува бараната програма

Проверете дали Epson Scan е инсталиран правилно.
Windows Vista и XP: Кликнете на картичката Events во прозорецот Properties на скенерот и проверете Take no action да не биде избрано. Исто така, проверете дали саканото копче е избрано во списокот за избор Select an event и дали е избрано Start this program.